Norvald Aasen er listekandidat for Demokratane i Sogn & Fjordane.
Kvart 2. år har politikarane sitt frislepp med lovnadar og sjølvskryt. Valkampane har også treffande vorte kalla politiske lygarfestivalar.
Eg skal nemne tre saker der partiet Venstre gjerne utmerkar seg.
Unge Venstre leiaren, Sveinung Rotevatn, uttala til innvandraravisa Utrop nr. 8/2, 2013 dette: «Fri innvandring for hele verden bør være målet på sikt, slik vi har klart i Europa». Det er tydeligvis viktig for Venstre å skape det multietniske kaos i Norge som globalt.
Under overskrifta «Muslimsk Europa: Den demografiske tidsbomben omformer vårt kontinent» skriv avisa The Telegraph 8. august 2009 dette: «England og resten av den Europeiske Union ignorerer den demografiske tidsbomben: En nyere flod av immigranter til EU, deriblant millioner av muslimer, kommer til å endre kontinentet til det ugjenkjennelige i løpet av de neste 20 år, og nesten ingen innen politikken snakker om dette ..... Europas muslimske befolkning er mer enn doblet de siste 30 årene».
Rotevatn, og resten av Venstre, veit sjølvsagt at den frie innvandringa som dei ønskjer vil gå frå u-landa og den muslimske verda til industrilanda og velferdsstatane i Vesten så lenge her er økonomisk utbytte å hente. Her vil Norge med sin oljeøkonomi, langt inn i framtida, vere som ein magnet for økonomiske og kriminelle lukkejegarar.
Kva Rotevatn vil gjere når oljen tek slutt slepp han å tenke over, men han vil vere medansvarleg for dei problema som då vil oppstå. Venstre sin politikk vil gje vår nasjon og nasjonalstat nådestøyten! Den amerikanske freelance-journalisten, Joseph Puder, skriv at det multikulturelle eksperimentet i land som England, Norge og Sverige, for å nemne nokre, har vore eit dystert feilgrep. Kriminalstatistikkane har gått rett i veret på tilnærma ikkje-eksisterande områder for ein generasjon sidan. Han nemner at forfattaren Noami Wolf nyleg hevda på BBC at Sverige har «Europas høyeste voldtektsrate».
I Aftenposten 17. juli 2013 skriv filosof Tor Arne Løken: «FNs rapport om asylstømmen til industrialiserte land i perioden 2008 – 2012 viser at Norge mottok 12,4 asylsøkere pr. 1000 innbygger. Norge ligger milevis «foran» andre industrialiserte land. EU har tatt imot 2,6 asylsøkere pr. 1000 innbygger».
At Venstre som står for ein fri innvandringspolitikk, og som stadig ropar over seg når ein eller annan skal sendast ut av landet, likar å slå om seg med tittelen «miljøparti» må kallast bløff og bedrag. Dei fleste vil nok fatte at folkeforflytningar frå varme strøk på kloden til det kalde nord krev meir energi på mange områder enn om menneska vart på sine kontinent der energikrava til oppvarming o.a. er mindre enn her. Dessutan har vi berre ei sjølvforsyningsgrad av eigenprodusert mat på under 50 %. Dermed må desse «miljøpolitikarane» hente langreist mat, som igjen fører til forureining gjennom transporten frå produsent til forbrukar. Noko som eg trur er klårt for stort sett andre enn «miljøpartia» er at meir menneske fører med seg meir forbruk og meir forureining og forsøpling av natur og miljøet.
Det vil også vere naudsynt for Venstre å halde oppe ein høg oljeproduksjon for å finansiere velferden for sine innvandrarar. Og den auka befolkninga skal vel ha velferd også etter oljealderen?
At Venstre vil skaffe oljeinstallasjonane til havs straum frå land, må også føre med seg meir vasskraftutbygging. Kva seier miljøvernarane om den saka? Også vi andre, som ikkje erklærar oss som fanatiske miljøaktivistar, vil også ha litt urørd natur til fritid og opplevingar.
Eit sterkt aukande folketal i verda kan i framtida krevje at kvart land produserar mest mogeleg av eigen mat. Minner her om tidlegare Venstreleiar og landbruksminister i Bondevik II regjeringa, Lars Sponheim, som uttala til Bondebladet den 13.nov. 2003, at det var «ingen ulykke» at gardsbruk vart lagd ned. «Jeg vil ikke bruke energien min på å gråte over de bøndene som slutter», var Sponheim si helsing til bøndene. Dessuten var det også hans bodskap i denne perioden at gardsbruk med 13 mjølkekyr ikkje var liv laga. Men slike bruksstorleikar var den gong brukbare familiebruk. No er mange slike bruk, saman med beitedyra, borte og innmark og utmark gror att!
Miljøpartiet Venstre 020913
